ഗ്രാമസ്‌മൃതി . കവിത വിനോദ് ഏബ്രഹാം, ദുബായ്

കവിത വിനോദ് ഏബ്രഹാം ദുബായ്

പണ്ടു താണ്ടിയ ഗ്രാമവീഥിക 

യിലൂടിന്നു ഞാനിത്തിരി നടന്നു

തോട്ടിലെ കല്ലിൽതട്ടി വിരൽ

ചതഞ്ഞ ഗതകാല ചിത്രങ്ങൾ

അന്നത്തെ മഷിത്തണ്ടും കാക്ക-

പ്പൂവും ഒരിടത്തും കണ്ടില്ല

ആഞ്ഞിലിത്തുമ്പത്താടിക്കളിച്ച

വെൺകൊറ്റികളെവിടെ

കാക്കകൾ സൊറപറഞ്ഞിരുന്ന

നാട്ടുമാവുകൾ ഇന്നവിടില്ല

തിരിയിട്ട കച്ചിത്തുരുത്തുകൾ

ഇപ്പോൾ ഓർമ്മതുരുത്തുകൾ

പാറിനടന്ന അപ്പൂപ്പൻതാടിക-

ളെവിടെയോ പോയ്മറഞ്ഞു

വേലിയിൽ നന്ത്യാർവട്ടവും

കമ്മൽപ്പൂവും വിരിയുന്നില്ല

പാലപ്പൂ മണത്ത പള്ളിക്കട-

വിനിപ്പോൾ ക്ലോറിൻ ഗന്ധം.

നാമാകെ മാറിയിരിക്കുന്നു

ഒപ്പം ഗ്രാമഭാവവും !

---------------------------------------------------------------------------