മാധ്യമ പ്രവർത്തകൻ ഷാജി വാഴൂരിനെ ആദരിച്ചു

 

കോഴിക്കോട്: സ്നേഹവചനം, മോർണിം​ഗ് ന്യൂസ്  പത്രങ്ങളുടെ  ചീഫ് എഡിറ്റർ  ഷാജി വാഴൂരിനെ 24ഫ്രെയും ഫിലിം സൊസൈറ്റി ആദരിച്ചു. കോഴിക്കോട് കൈരളി ഓഡിറ്റോറിയത്തിൽ നടന്ന ചടങ്ങിൽ കോഴിക്കോട് മേയർ ഒ സദാശിവനിൽ നിന്ന് ഷാജിവാഴൂർ ആദരവ്  ഏറ്റുവാങ്ങി. ചലച്ചിത്ര സംവിധായയകൻ സുനിലിൽ നിന്നും പ്രശസ്തിപത്രവും ഏറ്റു വാങ്ങി.  24ഫ്രെയും ഫിലിം സൊസൈറ്റിയുടെ ആന്റണികടുവാക്കുളം അനുസ്മരണയോ​ഗത്തിലാണ്  ആദരവ് നൽകിയത്. സാമൂഹിക സാഹിത്യ രം​ഗത്തുള്ള പ്രമുഖ വ്യക്തികളും ചലച്ചിത്ര സീരിയൽ നാടക രം​ഗത്തെ പ്രമുഖരും ചടങ്ങിൽ സംബന്ധിച്ചു. 

മുപ്പത് വർഷത്തിലധികമായി മാധ്യമ പ്രവർത്തന രം​ഗത്ത് വിവിധ മേഖലകളിൽ സജീവമായി പ്രവർത്തിച്ചുവരുന്ന ഷാജിവാഴൂർ കേരള പത്രപ്രവർത്തക അസോസിയേഷൻ കോട്ടയം ജില്ലാ കോർഡിനേറ്റർകൂടിയാണ്. ഡോ. ഭീം റാവു അംബേദ്ക്കർ ​ഗ്ലോബൽ ഫൗണ്ടേഷൻ അവാർഡ് (ന്യൂഡൽഹി) ഉൾപ്പടെ മറ്റ് നിരവധി അവാർഡുകളും പുരസ്കാരങ്ങളും വാഴൂർ ഏറ്റുവാങ്ങിയിട്ടുണ്ട്. സാമൂഹിക വിഷയങ്ങളിലും കൂടാതെ ആത്മീയ രം​ഗത്തും വിവിധ നിലകളിൽ പ്രവർത്തിച്ചുവരുന്നു.

---------------------------------------------------------------